Shërbimet e shpëtimit u mobilizuan në Hachinhoe në verilindje të Honshu, Japoni, pas raportimeve se është parë një “grua e mbytur” që notonte në ujëra.
Por blogerja japoneze, Tanaka Natsuki, e cila rastisi të ishte në vendin e ngjarjes për të xhiruar një video për kanalin e saj, ishte dëshmitare e “shpëtimit”, të asaj që doli të ishte një “Gruaje holandeze”, zhargon japonez për një kukull seksi prej gome, transmeton Telegrafi.
“Derisa isha duke filmuar videon time të peshkimit, mendova se një kufomë u afrua duke lundruar, por doli të ishte një ‘grua holandeze’”, shkroi ajo në një postim në Twitter.
“Duket se dikush e keqkuptoi se çfarë ishte dhe telefonoi autoritetet, kështu që u shfaqën policia, kamionët e zjarrfikësve dhe ambulance. Fatmirësisht ‘gruaja’ u shpëtua në mënyrë të sigurt”, shtoi ajo.
