Nga Rajoni
3 September 2021
Flet njëra nga vajzat që u sulmua në Prishtinë: Burri që na sulmoi kërkonte shërbime jashtë masazhës, e refuzuam

Gjatë ditës së djeshme u publikua një video ku shihet se si një burrë kishte sulmuar fizikisht tri vajza në mes të rrugës në Prishtinë.

Njëra nga vajzat e sulmuara ka treguar se personi që i sulmoi është L.V dhe se ai ishte klient në një qendër masazhi ku punonin tre vajzat, shtetase të Shqipërisë.

Siç raporton viktima, L.V kishte sulmuar atë dhe dy shoqet e saj sepse kishte kërkuar shërbim më shumë se masazh, dhe pasi vajzat kishin refuzuar ai i ka kërcënuar ato në fillim në qendrën e masazhit e pastaj edhe i ka ndjekur nga pas siç edhe shihet në video.

“Ka kërkuar shërbime të tjera, ka bërë problem dhe na ka kërcënuar me jetë në lokal, dhe kjo është arsyeja e incizimit, me i marr targat e veturës. Pastaj ka ka dalë papritur nga vetura dhe ka ndodhë ajo që ka ndodhë.

Viktima në fjalë ka deklaruar se po ndjehen të frikësuara dhe të pasigurta.

“Ne po ndjehemi vërtetë të kërcënuara”, duam që fotoja të shpërndahet dhe të gjendet personi dhunues. Kur na bëri ne këtë, pa asnjë lloj arsyeje, ku i dihet çka i bën gruas ,të dashures ,ose çka ka bërë dhe më përpara”, ka deklaruar për JOQ Kosova denoncuesja.

Ndërkohë rastin e ka konfirmuar edhe Policia e Kosovës.

“Rasti ka ndodhur dje rreth orës 18:00, në rrugën “Ahmet Krasniqi” në Prishtinë. Lidhur me këtë rast i cili është cilësuar, Lëndim trupor, hetuesit policor të stacionit qendra kanë identifikuar personin e dyshuar. I njëjti është në kërkim nga ana e policisë”, kanë thënë zyrtar nga policia.

https://video.gjirafa.com/240978144-538035627311027-5779844364499866079-n-mp4



Të ndryshme
Më shumë
Presidenti Pendarovski votoi në zgjedhjet e parakohshme parlamentare15 July 2020
Skandali i zyrtares së arrestuar serbe, dalin fotografitë që ia kishte dërguar një ministri19 October 2021
Ky është kamikazi që vrau 103 njerëz në aeroportin e Kabulit27 August 2021