Teknologji
2 nntor 2021
Ora e mençur e Facebook do të ketë kamerë, pritet të lansohet në treg gjatë vitit të ardhshëm

Kompania Meta që dikur njihej si Facebook, është duke punuar në tri gjenerata të orëve të mençura, e tani është shfaqur një detaj interesant.

Orët e mençura të kompanisë Meta do të mund të shkrepin fotografi dhe të xhirojnë klipe, e siç raporton Bloomberg, “renderi” shfaq orën e mençur që i ngjan shumë Apple Watch me një ekran të thellë, brenda të cilit është e vendosur një kamerë, transmeton Telegrafi. 

Zhvilluesi i aplikacioneve Steve Moser, ka gjetur “renderin” në aplikacionin që përdoren për syzet Ray-Ban Stories AR.

Përveç karakteristikave të përmendur, ora e mençur ka kornizën e punuar nga çeliku. E Moser pretendon se brenda aplikacionit tregohet sesi ora do të duhej të kishte emrin Milan, dhe të mundësojë fotografim dhe filmim të videove.

Meta planifikon që ta prezantojë orën në vitin e ardhshëm, por deri më tani nuk ka ndonjë konfirmim zyrtar. Bëhet fjalë për tri gjenerata prodhimesh që do të lansohen në treg në periudha të ndryshme. /Telegrafi/



Të ndryshme
Më shumë
Tetova drejt stabilizimit nga covidi23 shtator 2021
OBRM-PDUKM: Me Carovskën nuk ka as libra, as dëftesa, as plan për mbajtjen e mësimit18 gusht 2021
Grubi-Bechtel Enka: Korridori 8 bëhet realitet29 shtator 2021