Mijëra hungarezë protestuan të hënën jashtë parlamentit në Budapest kundër projektligjit që do të ndalonte diskutimet rreth homoseksualitetit ose ndryshimit të gjinisë në shkolla, ndërsa kryeministri Viktor Orban po përgatitet për zgjedhjet e ardhshme.
Orban është bërë gjithnjë e më radikal në politikën e tij shoqërore, duke sulmuar imigrantët dhe personat LGBTI në regjimin e tij të vetëquajtur jo-liberal, i cili ka ndarë thellë kombin evropian.
Protesta e dytë këtë muaj pas më shumë se një pauze njëvjeçare për shkak të koronavirusit ka treguar se Orban nuk është pa një opozitë.
Qeveria e Orban ka ripërcaktuar martesën në kushtetutë si bashkimin midis një burri dhe një gruaje dhe birësim të kufizuar për homoseksualët. Ai gjithashtu vendosi si të jashtëligjshme statusin ligjor për personat transgjinorë.
Grupet e të drejtave e kanë krahasuar lëvizjen me ligjin rus të vitit 2013 që ndalon propagandën në lidhje me marrëdhëniet seksuale jo-tradicionale.
“The Hatter”, grupi i të drejtave të LGBTI në një letër të hapur gjatë fundjavës tha se deputetët nuk duhet të votojnë për projekt-ligjin të martën, duke vënë në dukje se Kombet e Bashkuara i kanë bërë thirrje Hungarisë të lehtësojë diskriminimin.
Partia opozitare Momentum bëri thirrje për bojkot të votimit të Parlamentit, duke thënë se ligji do të rrezikonte komunitetin LGBTI.