Banorët e Çajlës, Forinës dhe Çegranit nga sot kanë në ambulantat e fshtrave të tyre aparate ventilimi me okigjen të cilat mund të përdoren edhe në kushte shtëpiake.
Këto aparate janë siguruar nga Fondacionet e këtyre tre fshtrave në Zvicër dhe vijnë në një kohë mjaftë të rëndësishme, pasi të njejtat mund të shfrytëzohen nga pacientë të prekur nga Covid – 19.
Në fshatin Çajlë ka katër pajisje të tilla, prej të cilave njëra do të vendoset te ambulanta e fshatit, kurse tre tjera do të mbeten te Bashkësia Lokale e fshatit dhe do t’u shpërndahen sipas nevojës banorëve për aq kohë sa do t’ju nevojiten.
Kryetari i Bashkësisë Lokale të fshatit Çajlë, Sinan Elezi ka falenderuar bashkëatdhetarët për këtë ndihmë që i bëhet vendlindje, sidomos thotë ai, tani kur vendi kalon valën e katër nga pandemia.
Në total janë 29 aparate për ventilim me oksigjen, njëzet nga Fondi i Çegranit për ambulantën e Çegranit dhe Forinës, pesë nga Shoqata e Forinës për për pot ë njejtën ambulantë dhe katër janë Fondacionit të Çajlës. Ato mund të përdoren edhe nga pacientë të cilët vuajnë nga sëmundjet në mushkëri.
Ndërkohë, një mërgimtar nga fshati Vranjofcë, i cili është dhëndër nga fshati Çajlë, kishte siguruar ushqim për 15 familje të cilave u është përkeqësuar situata ekonomike për shkak të krizës financiare shkaktuar nga pandemia.
Që kur ka filluar pandemia, Bashkësia Lokale e fshatit Çajlë në bashkëpunim me mërgatën, ka shpërndarë me mijëra pako ushqimore për familjet nevojate.