Nga Vendi
6 korrik 2021
Kurz: BE të përmbushë premtimet ndaj Ballkanit Perëndimor

Kancelari i Austrisë, Sebastian Kurz deklaroi sot se Bashkimi Evropian duhet të mbajë premtimet e tij për vendet e Ballkanit Perëndimor dhe të mbështesë rimëkëmbjen ekonomike të rajonit.

Ai në një postim në Twitter ka falënderuar kancelaren gjermane për takimin e sotëm virtual të Procesit të Berlinit.

“Faleminderit, Angela Merkel që na priti sot në Samitin virtual të Procesit të Berlinit! Pas COVID, tani është koha për të dhënë: Ne duhet të mbajmë premtimet tona, të mbetemi një partner i besueshëm për rajonin dhe të mbështesim rimëkëmbjen ekonomike”, shkruan Kurz.

Kancelarja gjermane Angela Merkel ka takuar sot për herë të fundit kryeministrat e Ballkanit Perëndimor.

Ajo në një konferencë për media në Berlin me temën mbi “Samitin e Procesit të Berlinit në Ballkanin Perëndimor 2021”, ka folur për procesin e anëtarësimit të vendeve të Ballkanit Perëndimor  dhe punën që ato po bëjnë në këtë drejtim.

Merkel ka potencuar se ka shumë punë për të bërë në procesin e anëtarësimit të vendeve të Ballkanit Perëndimor në BE, ndërsa ka bërë të ditur se më 3 tetor në Slloveni do të mbahet një takim për të biseduar për çështje teknike, raporton KP.

Ajo ndërkaq ka përmendur problemet Kosovë-Serbi dhe Maqedoni Veriore-Bullgari.



Të ndryshme
Më shumë
LAJMI FUNDIT/ 28 pacientë ndërruan jetë me Kovid-19, 929 raste të reja10 dhjetor 2020
Historia e veçantë e Hanifes: Pa ushtarin e UÇK’së në TV dhe u dashurua me të 7 korrik 2021
Bytyqi: Shteti nuk do të heqë dorë nga investimi në kapacitetet energjetike jashtë vendit30 shtator 2021