Austriaku 65-vjeçar, Walter Erhart, tregoi se si u fut në tualet si zakonisht dhe kuptoi se në guacë ishte një gjarpër i madh vetëm pasi u kafshua prej tij.
Gjarpri ishte larguar nga banesa e fqinjit, i cili mban 11 gjarpërinj, shkruan BBC, transmeton Gazeta Express.
“Shkova në tualet si zakonisht. E ndeza dritën, u ktheva, u ula, siç bëj gjithmonë, kur papritmas ndjeva një kafshim”, tha ai. Kafshimi i erdhi nga një gjarpër 1.6 metër i gjatë.
“Pastaj pashë gjak në këtë pjesë. Vetëm atëherë e kuptova se më ka kafshuar”, shtoi Erhart.
Werner Stangl, ekspert i gjarpërinjve që e largoi këtë gjarpër nga tualeti, tha: “Më duhet të pranoj se nuk ishte mision i lehtë. Vetëm një pjesë e vogël e trupit të gjarprit ishte jashtë tualetit dhe donte të kthehej në kanalizim.”
Fqinji i të moshuarit që u kafshua nga gjarpri mban 11 zvarranikë të tillë në banesë. Ai tani mund të përballet me akuzën për lëndim trupor.