Imami i xhamisë së Pejës, Gazmir Sahara, objektin fetar e ka shfrytëzuar për përfitime personale.

Në shtatorin e vitit 2020, Sahara ka ushtuar veprimtari mjekësore ilegale ndonëse nuk ishte mjekë me profesion, shkruan Gazeta Infokus.

Kështu ka bërë të ditur Prokuroria Themelore në kallëzimin penal të ngritur ndaj imamit të Pejës, të cilën e ka siguruar Gazeta Infokus.

Sipas kësaj aktakuzë, Sahara në kushte aspak higjienike kishte ka ushtruar veprimtarin mjekësore e njohur si terapia me gota.

“E gjithë veprimtaria dyshohet se është kryer nga personi Gazmir Sahara, imam i përkohshëm në xhami dhe i cili në të njëjtën kohë dyshohet se nuk posedon asnjë lloj diplome të mjekësisë dhe poashtu dyshohet nuk posedon asnjë lloje lejë për ushtrimin e veprimtarisë mjekësorë nga asnjë institucion shtetërore”, thuhet në kallëzimin penal të Prokurorisë.

E Sahara e kishte përgatitur terreni mirë para se të fillonte këtë veprimtari ilegale.

Ai me 7 shtator kishte kërkuar nga Bashkësia Islame e Kosovës në Pejë që të jepet pëlqimi për të instaluar nxemjen dhe të bëjë disa renovime të tjera.

Kështu BIK-u kishte dhënë lejen që të bëhen këto ndryshime në xhamin “Tahtlali” dhe xhamia të mbyllej deri me datën 4 tetor.

Kështu gjatë kohës sa xhamia ishte e mbyllur ai kishte ushtruar veprimtarin e tij.

Por të gjitha këto akuza i ka mohuar Sahara në një prononcim për Gazetën Infokus.

Ai ka bërë të ditur se gjatë ditës së është intervistuar nga Prokuroria Themelore në Pejë.

Por sipas Saharës nuk ka asnjë kallëzim penal të ngritur ndaj tij.

“E kemi pas veç një bisedë në Prokurori por nuk ka as aktakuzë as kurgjo. Unë gjithçka që kam pasur i kam thënë tek Prokuroja, është kanë thjeshtë një intervistë asgjë më tepër. Unë jam një hoxhë që kryej aktivitetin tim si një hoxhë që ka kërkohet prej Bashkësisë Islame dhe asgjë më tepër.Pra një hoxhë që falë namazin që banë ligjëratat në xhami si dhe konsujta dhe këshilla më popullin pavarësisht kushdo që është”, ka deklaruar ai.

Sahara e pranon se një herë kishte bërë terapi me gota për një shok të tij.

Por sipas hoxhës, këtë veprimtari e kishte bërë vetëm një herë dhe nuk është veprimtari sistematike që bënë.

“Është një foto që është shpërnda , unë edhe pse e di këtë zanat se unë kur jam kanë në studime në Jordani jam kan i certifikuar edhe atje më këtë çështje dhe kjo ka qenë një çështje shoqërore, por jo që kam bërë unë këtë gjë në mënyre sistematikë dhe ja kam bërë 10 apo 20 personave. Është e vërtet që ja kam bo vetëm një shokut që është sportist një rast u kanë vetëm dhe ai rast u bo foto, dhe nuk ka asgjë të vërtet dhe këtë e dijen edhe Bashkësia Islame”, shprehet ai.

Më poshtë gjeni kallëzimin penal të Prokurorisë së Pejës.